Upplýsingar um mótin

Fjarðaálsmótin 2014

 

 

  

Yngri flokkar Fjarðabyggðar munu halda knattspyrnumót fyrir 7., 6., 5., 4. og 3. flokk karla og kvenna í apríl og maí 2014. Eins og undanfarin ár þá verður okkar aðal styrktaraðili Alcoa-Fjarðaál og munu mótin því heita Fjarðaálsmótin. Sú nýbreytni verður höfð á að mótin fyrir 6. og 7. flokk verða eins dags mót en mótin fyrir 3., 4. og 5. flokk tveggja daga.

 Dagskrá

Eins dags mótin munu byrja snemma morguns og ljúka seinnipart dags. Tveggja daga mótin munu byrja um hádegi á laugardegi og ljúka um miðjan dag á sunnudegi. Fyrir tveggja daga mótin verður boðið upp á gistingu í Grunnskóla Reyðarfjarðar.

 

5. – 6. apríl                  4. fl. karla & kvenna (11 manna bolti)

26. – 27. apríl              3. fl. karla & kvenna (11 manna bolti)

3. maí                          6 & 7. fl. karla & kvenna (5 manna bolti)

10. - 11. maí               5. fl. karla & kvenna (7 manna bolti)

 

Á Fjarðaálsmótinu er spilað eftir reglum KSÍ í 7- manna bolti hjá 7., 6. og 5. flokki og í 11 - manna bolti í 4. og 3. flokki Allir leikir fara fram í Fjarðabyggðarhöllinni, knattspyrnuhöllinni á Reyðarfirði. Höllin er ekki upphituð og því getur orðið kalt í henni.

 

Þátttökugjald 

Þátttökugjald er kr. 15.000 á lið fyrir 7. og 6. flokk, ekkert aukagjald. Fyrir 5. flokk er þátttökugjaldið kr. 15.000 á lið auk 3.000 á hvern þátttakanda, fyrir 4. og 3. flokk er þátttökugjaldið kr. 25.000 á lið auk 3.000 kr. á hvern þátttakanda.

Hvar á að greiða þátttökugjaldið? 

Þátttökugjaldið er hægt að greiða inn á 1106-26-5885 kt: 660109-0210 og setja í skýringu nafn liðs. Vinsamlegast sendið staðfestingu á greiðslu á netfangið [e-mail]  Foreldrar geta keypt staka máltíð á 1.000 kr.

 Hvað er innifalið í þátttökugjaldi?

Innifalið í þátttökugjaldi fyrir 7. og 6. flokk er keppnisgjald og grillaðar pylsur og safi að loknum keppnisdegi fyrir brottför auk glaðnings frá styrktaraðila. Innifalið í þátttökugjaldi fyrir 5., 4. og 3. flokk er keppnisgjald, gisting, kvöldmatur á laugardegi, morgunmatur á sunnudegi og grillaðar pylsur og safi að loknum keppnisdegi á sunnudegi auk glaðnings frá styrktaraðila.

 Gisting

Gist er í Grunnskóla Reyðarfjarðar við hlið Fjarðabyggðarhallarinnar. Allir boltar eru bannaðir innan veggja skólans.

Skráning 

Félög eru beðin um að koma nauðsynlegum upplýsingum og skráningu liða á framfæri með tölvupósti á [e-mail] Skráningu og greiðslu þátttökugjalds þarf að vera lokið í síðasta lagi 10 dögum fyrir mót.

Skrár tengdar þessari bloggfærslu:

• Skráningarblað